Amerikaly sprinter Kristian Koulmen Dohada dowam edýän dünýä çempionatynda 100 metr aralyga geçirilen ýaryşda ýeňiji boldy.
Dünýä çempionatynda Koulmen 100 metri 9,76 sekuntda geçdi. Taryhda diňe 5 adam has gowy netije görkezdi.
Taryhdaky iň oňat görkeziji ýamaýkaly sprinter Useýn Bolta degişli (9,58). Ikinji orny amerikaly Taýson Geý bilen ýene bir ýamaýkaly Ýohan Bleýk (9,69) özara paýlaşýar. Dördünji netijäni Asaf Pauel (Ýamaýka, 9,72) görkezipdir. 5-nji orunda ABŞ-ly Jastin Getlin (9,74) ýerleşipdir.
Dünýä çempionatlarynda diňe 2 adam, ýagny 2009-njy ýylda 100 metr aralygy Bolt (9,58) we Geý (9,71) Koulmenden gowy netije görkezipdir.
2007-nji ýyldan bäri ilkinji gezek dünýä çempionatynyň medaly ugrundaky göreşe dünýäniň 11 gezek çempiony Useýn Bolt girişmedi. Ol 2017-nji ýylda çykyşyny tamamlady.
2 ýyl mundan ozal Londonda guralan dünýä çempionatynda guralan 100 metrlik ýaryşda Getlin ýamaýkaly Boltdan ozupdy. Ol Useýn Boltuň hünär ýolundaky iň soňky bäsleşigidi.
Erkekler (100 m)
1. Kristian Koulmen (ABŞ) – 9,76
2. Jastin Getlin (ABŞ) – 9,89
3. Andre de Grass (Kanada) – 9,90
