Türkmenistanda sportuň olimpiýa görnüşlerini wagyz etmek we ukyply türgenleri ýüze çykarmak maksady bilen badminton boýunça Aşgabat şäheriniň birinjiligini almak ugrunda ýaryş geçirilýär.
Birinjilige 2002-nji ýylda doglan we kiçi ýaşly okuwçylar gatnaşýar. Bäsleşigiň dowamynda oglanlaryň we gyzlaryň toparlary aýratynlykda güýç synanyşarlar.
Aşgabat şäheriniň sport we ýaşlar syýasaty Baş müdirliginiň guramagynda geçirilýän ýaryş 2019-njy ýylyň 20-22-nji sentýabry Aşgabat şäheriniň 24-nji we 46-njy orta mekdepleriniň sport zalynda guralar.
Ýeňijilere guramaçylar tarapyndan Hormat hatlary gowşurylar.
