Sentýabryň soňky ongünligi sport muşdaklarynyň ünsüni çekäýjek ýaryşlara baý bolar.
Olaryň arasynda ýurdumyzyň paýtagty Aşgabatda sentýabryň 20-sinden 24-ine çenli geçiriljek welosport boýunça Türkmenistanyň birjiligi ugrundaky ýaryş has-da uly gyzyklanma döredýär. Çünki bu ýaryş ýurdumyzyň iň ökde welosipedçilerini özünde jemlär.
Paýtygtymyzda geçjek ýene bir iri ýaryş stol tennisiniň türgenlerini bir ýere jemlär. Türkmenistanyň kubogy ugrundaky bu ýaryşda stol tennisiniň ezber türgenler öz aralarynda bäsleşerler. Ol sentýabryň 26-syndan 29-yna çenli aralykda geçiriler.
Sentýabr aýynyň soňky hepdesinde Türkmenistanyň Garaşsyzlygynyň 28 ýyllygyna bagyşlanan dürli sport ýaryşlary ýurdumyzyň ähli künjeklerinde giňden ýaýbaňlandyrylar.
Olaryň arasynda paýtagtymyzyň «Aşgabat» stadionynda geçiriljek gylyçlaşmak boýunça ýaryş sport bilermenleriň uly gyzyklanmasyna eýe bolýar. Bu ýaryş sentýabr aýynyň 29-yna başlap, oktýabr aýynyň 3-ine çenli dowam eder.
Sentýabr we oktýabr aýlarynyň dowamynda geçiriljek 2005-2006-njy ýylda doglan çagalaryň arasynda futbol boýunça zolaklaýyn ýaryş hem diýseň çekeleşikli bolar diýlip çak edilýär.
23-nji sentýabrda tennis boýunça 14 ýaşa çenli türgenleriň arasynda geçiriljek ýaryşyň dabaraly açylyşy bolar. Bu ýaryş 29-njy sentýabrda tamamlanar.
