«Türkmenistan» Ýaşlar bedenterbiýe-sport guramasynyň Aşgabat şäher bölüminiň guramagynda paýtagtymyzyň etraplaryndaky orta mekdepleriň arasynda «Türkmenistan – ruhubelentligiň we sagdynlygyň ýurdy» atly XI Spartakiadanyň çäklerinde ýeňil atletika boýunça ýaryş geçirildi.
Ýeňil atletika boýunça bäsleşige Aşgabat şäherinden jemi orta mekdepleriň 21-sinden oglan-gyzlar toparlary gatnaşdylar.
Ýeňil atletikanyň 3 görnüşi (100 metr aralyga ylgamak, estafeta, uzynlygyna bökmek) boýunça oglanlaryň arasynda I orny 15-nji orta mekdep, II orny 44-nji orta mekdep, 27-nji orta mekdep mynasyp boldy.
Şol görnüşler boýunça gyzlaryň arasynda geçen ýaryşda bolsa I ýeri 36-njy orta mekdep eýeledi. II we III orny şäheriň 18-nji we 95-nji orta mekdepleri degişlilikde paýlaşdylar.
