Ýurdumyzda ulaglaryň sanynyň artmagy, köçelerde hereketiň depgininiň güýçlenmegi bilen, ýol hereketine gatnaşyjylara (sürüjilere, pyýadalara, ýolagçylara) bildirilýän talaplar hem güýçlenýär.
Köçelerde we ýollarda hereketiň depgininiň güýçlenmegi bilen häzirki döwürde, çagalaryň saglygyny goramak, olaryň howpsuzlygyny üpjün etmek, olary ýol-ulag hadysalaryndan goramak möhüm meseleleriň birine öwrüldi.
Hut şu maksatlardan ugur alnyp, hormatly Prezidentimiziň tagallasy bilen 2015-nji ýylyň awgust aýynda Türkmenistanyň Içeri işler ministrliginiň Polisiýanyň ýol gözegçiligi müdirliginiň Çagalar awtoşäherçesi döredildi we işe girizildi.
Ýaş olimpiýaçylar bu ýerde ýörite taýýarlykly gözükdirijiler tarapyndan geçirilen okuw-sapaklaryna gatnaşdylar. Olar ýol hereket düzgünleri boýunça ýörite otaglarda sapak geçdiler.
«Türkmen sporty» gazeti (14.09.2019).
