2005-nji ýylda doglan ýetginjekleriň arasynda Aşgabat şäherinde geçirilen futbol boýunça Türkmenistanyň çempionaty tamamlandy. Bäsleşigiň finalynda «Aşgabat» hem-de GOÝÇÝSM duşuşdy.
Çekeleşikli geçen final oýnunyň jemi boýunça GOÝÇÝSM 4:2 hasabynda ýeňiş gazandy. Şeýlelikde, altyn we kümüş medallara aşgabatly futbolçylar mynasyp boldular.
3-nji orun ugrundaky oýunda «Ahal» we «Balkan» toparlary güýç synanyşdy. Bu oýunda 3:1 hasabynda üstün çykan balkanly futbolçylar bürünç medal gazandylar.
Çempionat Türkmenistanyň Futbol federasiýasy bilen Türkmenistanyň Sport we ýaşlar syýasaty ministrligi tarapyndan bilelikde guraldy.
