27-nji oktýabrda Türkmen döwlet bedenterbiýe we sport institutynyň Köpugurly sport toplumynda sambo we söweş sambosy görnüşleri boýunça erkek we zenan türgenleriň arasynda Türkmenistanyň Söweş sungaty Milli federasiýasynyň kubogy ugrundaky  ýaryş geçirildi.

Ýaryşa ýurdumyzyň dürli künjeklerinden zenan we erkek türgenler gatnaşdylar. Ýaryş gyzykly geçdi. Onda Türkmen döwlet bedenterbiýe we sport institutynyň türgenleri çykyş edip, baýrakly orunlara mynasyp boldular. Ýeňiji bolan türgenlere Hormat hatlary we medallar dabaraly ýagdaýda gowşuryldy.

Şeýle ýaryşlaryň yzygiderli geçirilip durulmagy ýaşlarymyzyň arasyndan ukyply, zehinli, başarnykly türgenleriň ýuze çykmagynda aýratyn ähmiýete eýedir.

Döwletgeldi JUMAÝEW,

Türkmen döwlet bedenterbiýe we sport institutynyň Sportuň göreş görnüşleri kafedrasynyň uly mugallymy, söweş sambosy boýunça sport ussady