Özbegistan Respublikasynyň Daşkent şäherinde kikboksing boýunça ýetginjekleriň, ýaşlaryň arasynda Dünýä kubogy ugrunda ýaryş geçirildi. Bäsleşikde türkmen kikboksçylary 12 medala mynasyp boldular. Şolaryň 7-si altyn, 5-si bürünç medallardyr.
Ýaryşda Aşgabat şäheriniň ýöriteleşdirilen 135-nji orta mekdebiniň okuwçysy Muhammetaly Orazmuhammedow 30 kg agramda, Lebap welaýatynyň Türkmenabat şäheriniň 39-njy orta mekdebiniň okuwçysy Rasul Rustamow 42 kg agramda, Türkmenabat şäheriniň 24-nji orta mekdebiniň okuwçysy Serdar Bekenow 51 kg agramda, Türkmenabat şäheriniň 11-nji orta mekdebiniň okuwçysy Nurmuhammet Joraýew 52 kg agramda, Türkmenabat şäheriniň 21-nji orta mekdebiniň okuwçysy Kirill Woýewodin 54 kg agramda, Türkmenistanyň Telekommunikasiýalar we informatika institutynyň ykdysadyýet we dolandyryş fakultetiniň talyby Akmyrat Akmyradow 67 kg agramda, Türkmenabat şäheriniň 33-nji orta mekdebiniň okuwçysy Salamathan Baltaýew 86 kg agramda altyn medallara mynasyp boldular.
Aşgabat şäheriniň 134-nji orta mekdebiniň okuwçysy Hangeldi Atabaýew 47 kg agramda, Ak bugdaý etrabynyň Gämi obasynyň 5-nji orta mekdebiniň okuwçysy Guwanç Babaýew 48 kg agramda, Aşgabat şäheriniň 36-njy orta mekdebiniň okuwçysy Guwanç Mahmudow 51 kg agramda, Murgap etrabynyň 28-nji orta mekdebiniň okuwçysy Raşit Geldimämmedow 60 kg agramda, Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 74-nji «Bagtyýar nesiller» orta mekdebiniň okuwçysy Yhlas Baýew 63,5 kg agramda bürünç medallary eýelediler.
«Türkmen sporty» gazeti
