«Merw» futbol klubunyň türgenleri 15 — 31-nji iýul aralygynda dostlukly Türkiýe Respublikasynyň Bolu şäherinde geçiriljek okuw-türgenleşik ýygnanyşygynda we ýoldaşlyk duşuşyklarynda bolarlar. Toparda 24 türgen, 11 resmi wekil bar. Bu iri sport çärelerine gatnaşmak üçin milli ýygyndy toparymyz 15 ― 31-nji iýul aralygynda dostlukly ýurtda iş saparynda bolar.
* * *
«Aşgabat» futbol klubunyň agzalary 25-nji iýul — 12-nji awgust aralygynda Birleşen Arap Emirlikleriniň Dubaý şäherinde geçiriljek okuw-türgenleşik ýygnanyşygyna we ýoldaşlyk duşuşyklaryna gatnaşarlar. Toparda 25 türgen, 9 resmi wekil bar. Öňde boljak çärelere gatnaşmak üçin futbol klubunyň agzalary 25-nji iýul ― 12-nji awgust aralygynda dostlukly ýurtda iş saparynda bolarlar.
Madina MAHMUDOWA,
Köýtendag etrabynyň Dostluk şäherçesi.
