Türkmenistanyň suwda ýüzmek boýunça milli ýygyndy toparynyň wekilleri Gruziýanyň Batumi şäherinde okuw-türgenleşik ýygnanyşygyny geçýärler.

16-njy iýunda badalga berlen okuw-türgenleşik ýygnanyşygy 10-njy iýula çenli dowam eder. Tejribeli tälimçiler Dnitriý Nowikowyň hem-de Mark Pilýuginiň ýolbaşçylygyndaky türgenleşiklere 12 türgen gatnaşýar:

Ýurdumyzyň erkekler ýygyndy topary: Dawid Akopýan, Musa Žalaýew, Seýran Nurmyradow, Muhammetmyrat Gutlyýew, Alan Muhin hem-de Gurban Hommadow.

Ýurdumyzyň gyzlar ýygyndy topary: uýalar Eneş, Ejeş hem-de Aýnur Primowalar, Anastasiýa Morginştern, Ogulmerjen Nuraýewa hem-de Aýnur Merdanowa.

Hünärmenleriň pikiriçe, türkmen ýüzüjileriniň gündelik türgenleşigi, ýakyn wagtda geçiriljek ýaryşlara mümkin boldugyça ýokary derejede taýýarlanmaga mümkinçilik berer.

Газета «Türkmen sporty»