Sportuň stol tennisi görnüşi boýunça Daşoguz welaýatynyň birinjiligi geçirildi. Birinjilik Daşoguz şäherindäki 1-nji sport mekdebinde guraldy. Ýaryşa Daşoguz şäherniň, Görogly, Ruhubelent, Akdepe, S.Türkmenbaşy etraplarynyň türgenleri gatnaşdy.

Bäsleşik çekeleşikli ýagdaýda geçip, baýrakly orunlar ugrunda gyzgalaňly göreş dowam etdi. Netijede, Daşoguz şäheriniň ýygyndysy 1-nji orny, Görogly etrabynyň topary 2-nji orny, Akdepe etrabynyň topary hem 3-nji orny eýeledi. Ýeňijilere Daşoguz welaýatynyň Bedenterbiýe we sport baradaky Baş müdirliginiň Hormat hatlary dabaraly ýagdaýda gowşuryldy.

Eziz NURYÝEW,

Daşoguz welaýatynyň Görogly etrabynyň 1-nji sport mekdebiniň instruktor-usulyýetçisi.