Katar döwletiniň Doha şäherinde Dzýudo boýunça dünýä çempionaty geçiriler. Şoňa çenli dzýudo boýunça milli ýygyndy toparymyzyň türgenleri dostlukly döwletleriň birnäçesinde iş saparlarynda bolup, ol ýerlerde geçiriljek dürli derejeli çempionatlara gatnaşyp, tejribelerini artdyrarlar.
Ýygyndy toparymyz 10 — 11-nji fewral aralygynda Wengriýa Respublikasynyň Györ şäherinde geçiriljek Ýewropanyň açyk çempionatyna gatnaşar.
Toparda 8 türgen, 2 tälimçi we 1 lukman bar. Türgnelerimiz 24 — 25-nji fewral aralygynda dostlukly Azerbaýjan Respublikasynyň Baku şäherinde geçiriljek Grand-Slam halkara ýaryşyna hem gatnaşarlar. Milli ýygyndy toparymyzyň iş saparlary şol günlerde Polşa Respublikasynyň Warşawa şäherinde geçiriljek Ýewropanyň açyk çempionatyna gatnaşmak bilen tamamlanar.
Gülüstan MÄMMEDOWA,
Türkmen döwlet bedenterbiýe we sport institutynyň
sport žurnalistikasy hünäriniň talyby.
