Hormatly türkmen türgenleri, tälimçiler, sport mekdepleriniň ýolbaşçylary, sport lukmanlary, janköýerler we okyjylar — siziň ähliňizi 2024-nji ýyl bilen tüýs ýürekden we mähirli gutlaýarys.

Türkmenistanyň türgenleri! Siz biziň umydymyz we buýsanjymyz! Täze ýylda üstünlik we ýeňiş gazanmagyňyzy arzuw edýäris. 2024-nji ýyl Parižde tomusky Olimpiýa oýunlary geçiriler. Olimpiýa oýunlarynda Türkmenistanyň döwlet senasynyň eşitdiriljekdigine we ýurdumyzyň baýdagynyň galdyryljakdygyna ynanýarys we umyt edýäris. Goý, täze ýyl durmuşyňyza köp ýeňişler we üstünlikler getirsin!

Täze ýylyň gelmegi täze maksatlar goýmagyň we arzuwlaryňyzy amala aşyrmagyň wagtydyr.

  Türkmenistanyň tälimçileri! Siz yzygiderli yhlas bilen işläp, güýjüňizi we wagtyňyzy aýaman, türgenleriň ukyplaryny açyp görkezmegi üçin, olarda ýeňiş ruhuny ösdürip, kynçylyklary ýeňip geçmegi üçin ruhlandyrýarsyňyz. Türkmen türgenleriniň halkara ýaryşlarynda siziň ýolbaşçylygyňyzda gazanýan ýeňişleri, watandaşlarymyzy begendirýär we buýsandyrýar. Ýeňil bolmadyk işiňizde üstünlik arzuw edýäris!

Türkmenistanyň janköýerleri! Täze ýylda size saglyk, gujur we sabyr arzuw edýäris. Türkmen türgenlerini tüýs ýürekden goldaýandygyňyz we türgenlerimiziň ýeňşine ynanýandygyňyz üçin size minnetdarlyk bildirýäris. Türkmen türgenleriniň gazanýan üstünliklerinde we ýeňişlerinde siziň mynasyp paýyňyz bardyr.

Türkmenistanyň okyjylary! Redaksiýa ýazýan hatlaryňyz, hyzmatdaşlygyňyz we gyzykly materiallaryňyz sag bolsun aýdýarys.

Hemmäňize 2024-nji ýylda saglyk we üstünlik arzuw edýäris!

«Türkmenistan Sport» halkara žurnalynyň redaksiýasy.