2023-nji ýylyň 5-nji oktýabrynda AFK-nyň kubogynyň (2023/24) Merkezi zolagynda toparçadaky bäsleşigiň ikinji tapgyrynyň duşuşyklary geçirildi.
Meýdança ilkinji bolup «Merw» (Türkmenistan) we «Abdyş Ata» (Gyrgyzystan) toparlary çykdy. «Aşgabat»köpugurly stadionynda geçirilen oýun deňlikde tamamlandy - 1:1.
«Altyn asyr» we «Rawşan» (Täjigistan) toparlarynyň arasyndaky günüň ikinji oýny hem deňme-deň tamamlandy - 1:1.
Şeýlelikde, iki tapgyrdan soň «Abdyş Ata» öňde barýar (4 oçko). Ikinji we üçünji orny «Rawşan» (2 oçko) bilen «Merw» (2 oçko) eýeleýär. Dördünji orun iki oýunda bir utuk toplan «Altyn asyra» degişli.
26-njy oktýabrda geçiriljek nobatdaky tapgyrda «Merw» bilen «Altyn asyr», «Rawşan» bilen «Abdyş Ata» duşuşar.
