Türkmenistanyň Bedenterbiýe we sport baradaky döwlet komitetiniň «Türkmenistan Sport» halkara žurnaly bilen Türkmenistanyň «Sport» teleýaýlymynyň bilelikde taýýarlaýan «Sanly metbugat» atly gepleşiginiň täze sany 2023-nji ýylyň 4-nji oktýabrynda ýaýlyma goýberildi.
«Sanly metbugat» atly gepleşigiň esasy maksadynyň Türkmenistan Watanymyzda sanly ulgamyň mümkinçilikleriniň habar beriş serişdeleriniň işini kämilleşdirmekde uly ähmiýete eýe bolandygyny anyk işleriň üsti bilen açyp görkezmekden ybaratdyr. Sebäbi sanly ulgam türkmen türgenleriniň gatnaşýan milli we halkara derejeli bäsleşiklerini giňişleýin şöhlelendirmekde sport žurnalistleriniň işini ilerledýär.
«Sanly metbugat» gepleşiginiň täze sanynda «Türkmenistan Sport» halkara žurnalynyň «7/24.tm» ady bilen taýýarlanylýan hepdelik elektron goşundysynyň döredilişi we bu neşirde häzirki wagtda alnyp barylýan işler barada giňişleýin gürrüň berildi.
Mundan birnäçe ýyl ozal Türkmenistanyň Bedenterbiýe we sport baradaky döwlet komitetiniň «Türkmenistan Sport» halkara žurnaly bilen Türkmenistanyň «Sport» teleýaýlymynyň döredijilik toparlarynyň bilelikde «Sport metbugatda» gepleşigini taýýarlandyklaryny ýatladýarys.
