2023-nj iýylyň 23-nji sentýabrynda ýurdumyzyň Söwda-senagat edarasynyň sergi merkezinde mukaddes Garaşsyzlygymyzyň 32 ýyllygy mynasybetli Türkmenistanyň ykdysady üstünlikleriniň sergisi öz işine başlady.
Pudagara forumda ykdysadyýet we maliýe-bank toplumynyň, bilim, medeniýet, sport we syýahatçylyk ulgamlarynyň düzümleýin bölümleri, şeýle-de ýurdumyzyň halk hojalyk toplumynyň giň gerimli ugurlaryna wekilçilik edýän hususy telekeçiligiň ýokary hilli önümleri hem-de hödürleýän hyzmatlary görkezilýär.
Hormatly Prezidentimiziň foruma gatnaşyjylara iberen Gutlagynda bu serginiň belent maksatlar bilen öňe barýan ata Watanymyzda milli ykdysadyýetiň kuwwatyny artdyrmakda uly ösüşleriň gazanylýandygynyň aýdyň beýanyna öwrüljekdigi bellenilýär.
Gazanylýan üstünlikler 2023-nji ýylda daşary ýurtlardan getirilýän harytlaryň ornuny tutýan önümleri we eksport ugurly önümleri öndürmek boýunça häzirki zaman kärhanalary döretmek boýunça kabul edilen täze döwlet maksatnamalarynyň durmuşa geçirilmegi netijesinde üpjün edildi.
Forum tamamlanansoň, oňa gatnaşyjylara degişli diplomlar we şahadatnamalar gowşurylar.
