2023-nji ýylyň 7-nji aprelinde Türkmenistanda Bütindünýä saglyk güni mynasybetli «Arkadag Serdarly bagtyýar ýaşlar – sport, sagdyn durmuş baş ýörelgämiz» atly köpçülikleýin welosipedli ýörişler geçirildi.
Aşgabat şäherinde säher bilen hormatly Prezidentimiziň gatnaşmagyndaky welosipedli ýörişe badalga berildi. Arkadagly Serdarymyzyň göreldesine eýerip, bu welosipedli ýörişe Türkmenistanyň Ministrler Kabinetiniň Başlygynyň orunbasarlary, ministrler, pudak edaralarynyň ýolbaşçylary, köpçülikleýin habar beriş serişdeleriniň wekilleri, jemgyýetçilik guramalarynyň agzalary, ýokary okuw mekdepleriniň talyplary gatnaşdylar.
Bütindünýä saglyk güni mynasybetli dabaraly welosipedli ýörişler welaýatlarda hem guramaçylykly geçilip, sagdyn durmuş ýörelgesini wagyz ertmäge gönükdirilen köpçülikleýin sport çäresine welaýatlaryň dürli kärdäki we ýaşdaky ilaty işjeň gatnaşdy. Köpçülikleýin welosipedli ýörişleriň guramaçylykly geçirilmegi ata Watanymyzda Bütindünýä saglyk güni mynasybetli guralan çäreleri dabaralandyrdy.
