Aşgabatda Türkmenistanyň kubogy ugrundaky 29-njy ýaryşyň bijeleri çekildi. Bu barada Türkmenistanyň Futbol federasiýasynyň resmi saýty habar berýär.

Klublaryň arasyndaky ikinji derejeli ýaryş bolan Türkmenistanyň kubogyna ýokary liganyň 8 topary gatnaşýar.

Türkmenistanyň kubogy ugrundaky bäsleşigiň çärýek finalynyň birinji duşuşyklary 9-njy sentýabrda, jogap oýunlary bolsa 21-nji sentýabrda geçiriler.

Kubok ugrundaky bäsleşigiň ýarymfinal duşuşyklary 26-njy oktýabrda hem-de 22-nji noýabrda oýnalar. Final oýny 11-nji dekabrda geçiriler.

Futbol boýunça Türkmenistanyň kubogynyň 1/4 çärýek

finalynyň bijesiniň netijeleri

(Ilkinji oýunlar: 09.09.2022. Jogap oýunlary: 21.09.2022 )

 «Energetik» – «Şagadam»

 «Köpetdag» – «Aşgabat»

 «Altyn asyr» – «Nebitçi»

 «Ahal» – «Merw»