Türkmenistanyň ýygyndysy Daşkent şäherinde geçirilýän agyr atletika boýunça dünýä çempionatynda çykyş edýär.

29-njy gezek geçirilýän zenanlaryň arasyndaky dünýä birinjiliginde Türkmenistana Ýulduz Jumabaýewa, Bägül Berdiýewa (ikisem 49 kg), Polina Gurýewa (59 kg), Gülnabat Kadyrowa (71 kg) we Aýsoltan Toýçyýewa (81 kg) wekilçilik edýär.

Erkekleriň arasyndaky dünýä çempionaty 86-njy gezek guralyp, Seýitjan Mirzaýew (61 kg), Maksat Meredow (73 kg), Rejepbaý Rejepow, Şatlyk Şöhradow (ikisem 81 kg), Rustam Annaberdiýew (98 kg) we Hojamuhammet Toýçyýew (109+ kg) Türkmenistanyň sport abraýyny gorar.

Täze Olimpiýa möwsüminde geçirilýän ilkinji dünýä çempionatyna 74 döwletden 432 türgeniň gatnaşmagyna garaşylýar. Erkekler we zenanlar agramlaryň 20-sinde uly we kiçi medallar ugrunda göreşerler.