2021-nji ýyldaky Türkmenistanyň kubogy ugrundaky ýaryşyň ýarym final oýunlary «Altyn asyryň» we «Şagadamyň» meýdançasynda geçiriler. Bu barada Türkmenistanyň futbol federasiýasynda geçirilen bije atyşlykdan soňra habar berildi.
7-nji dekabrda geçiriljek ýarym final oýunlarynda Türkmenistanyň kubogynyň häzirki eýesi «Altyn asyr» bilen ýurdumyzyň wise-çempiony «Ahal» güýç synanyşar. Geçen möwsümde bürünç medal gazanan «Şagadam» bolsa 2020-nji ýylda kubok ýaryşynda finala çykan «Köpetdag» bilen duşuşar.
Ozalky ýyllardakydan tapawutlylykda şu möwsümde kubok ýaryşlarynyň her bir jübütiniň ýeňijisi diňe bir oýunda kesgitlener.
Türkmenistanyň kubogynyň eýesi 22-nji dekabrda belli bolar.
