Kuban döwlet uniwersitetiniň (Krasnodar, RF) sport toplumynda Russiýanyň we daşary ýurtlaryň birnäçesiniň talyplar ýygyndy toparlarynyň arasynda futbol boýunça V ýaryş geçirildi.Türkmenistanyň Astrahandaky Konsullygynyň ýardam bermeginde döredilen “Hazar” topary ýurdumyza wekilçilik etdi, onuň hatarynda Krasnodar ülkesiniň ýokary okuw mekdeplerinde bilim alýan talyplarymyz çykyş etdiler.
Toparymyz ýarym finala çykdy, ýöne has güýçli garşydaşlary olara finala çykmaga maý bermediler.
Beýik Ýeňşiň 74 ýyllygynyň öňüsyrasynda geçirilen talyplar ýaryşy dostlukly ýagdaýda geçdi. Baýrakly orunlary eýelänlere medallar we hormat hatlary gowşuryldy.
