Oktýabr aýynyň ahyryna Türkmenistanyň 8-nji hokkeý çempionaty başlanar. 2020-2021-nji ýyllaryň möwsüminiň birinjiligi Aşgabat şäherindäki buzly arenalarda geçiriler. Bu barada «Нейтральный Туркменистан» gazetinde habar berilýär.

Türkmenistanyň hokkeý çempionaty erkekleriň arasynda geçirilip, oňa dürli ministrlikleriň, edaralaryň we institutlaryň toparlary gatnaşýarlar. Ýaryş Aşgabat şäherinde guralyp, onda professional hokkeýçiler çykyş edýärler. Milli çempionat 2013-2014-nji ýyllaryň möwsüminde ilkinji gezek geçirildi.