Ýurdumyzda Aşgabat şäheriniň we welaýatlaryň birinjiliklerine taýýarlanýan ýaş türgenlerimiz sportuň oýun görnüşleri (futbol, 3x3 basketbol, stol tennisi, gandbol, tennis, futzal, badminton, woleýbol, gandbol) boýunça okuw-türgenleşiklerine işjeň gatnaşýarlar. Täze möwsümiň okuw-türgenleşikleriniň başlanmagyny ýaşajyk türgenler uly şatlyk bilen garşy egsilmez hyjuw bilen garşy aldylar.

Tejribeli tälimçiler olara diňe bir sport görnüşleriniň inçe tilsimlerini öwretmek bilen çäklenmän, eýsem-de bolsa türgenleriň arassaçylygyň kadalaryny pugta berjaý etmelidigi, sport bilen meşgullanmagyň şeýle hem arassaçylyk kadalaryny berjaý etmegiň ynsan saglygy üçin örän peýdalydygy barada gürrüňler hem geçirýärler.

Ýaşajyk türgenler ýurdumyzyň paýtagtynda we welaýatlarda geçiriljek sport ýaryşlarynda özleriniň okuw-türgenleşiklerinde gazanan başarnyklaryny görkezerler. Şol ýaryşlar bolsa milli derejeli bäsleşiklerde ynamly çykyş etmäge ýardam berer. Milli ýaryşlarda tapawutlanýan türgenler bolsa halkara bäsleşiklerinde ata Watanymyzyň sport abraýyny goramaga mümkinçilik alarlar.

www.msy.gov.tm