Türkmenistanyň «Sport» teleýaýlymynda Türkmenistanyň Sport we ýaşlar syýasaty ministrligi bilen bilelikde taýýarlanylýan «Sport metbugatda» gepleşigi her hepdede ýaýlyma berilýär.  

Türkmenistanyň Sport we ýaşlar syýasaty ministrligi «Türkmenistan Sport» halkara žurnalynyň we «Sport» teleýaýlymynyň döredijilik toparynyň bilelikde taýýarlaýan bu gepleşiginde hormatly Prezidentimiziň durmuşa geçirýän hem-de bütin dünýäde gyzgyn seslenme döredýän sport we ýaşlar syýasatyny has-da ýaýbaňlandyrmak üçin yhlas edilýär.

Gepleşik birnäçe sahypadan ybarat bolup, olaryň her birinde spot ýetilýän sepgitler, sportuň saglyga peýdasy, bedenterbiýäniň ähmiýeti, Olimpiýa hereketi we başga-da ençeme gyzykly mowzuklardan söhbet açylýar. Her bir öňe sürülýän mowzugyň täsirli bolmagy bolsa sanly ulgamyň mümkinçiliklerinden ýerlikli peýdalanylýandygyny bellemelidiris.

«Sport metbugatda» gepleşigine goşulan täze sahypalaryň biri bolan «7/24.tm» hepdelik elektron goşundysynyň täze sanyna berilýän syn hem okyjylary gyzyklandyrsa gerek. Bu sahypany «Türkmenistan Sport» halkara žurnalynyň habarçysy Aýbölek Ärnazarowa alyp barýar.

 www.msy.gov.tm