Türkmenistanyň Naýbaşy kubogy ugrundaky duşuşykda «Altyn asyr» «Ahaldan» üstün çykdy. Duşuşyk «Aşgabat» köpugurly stadionynda boldy hem-de 1:1 (on bir metrlik urgular boýunça 5:4) hasabynda tamamlandy.
Duşuşygyň 68-nji minudynda «Ahalyň» ýarym goragçysy Gurban Annaýew hasaby açdy. Şondan 5 minut geçensoň «Altyn Asyryň» goragçysy Mekan Saparow hasaby deňledi.
On bir metrlik urgularda «Altyn asyryň» futbolçylarynyň döwi rüstem geldi, olar 5:4 hasabynda utdular. Derwezä geçmedik ýeke-täk şowsuz urgyny «Ahalyň» goragçysy Serdar Annaorazow ýerine ýetirdi.
Bu ýaryşda ýeňiş gazanan «Altyn asyr» Türkmenistanyň Naýbaşy kubogyny indi bassyr altynjy gezek eýeleýär. Bu toparyň futbolçylary bu arzyly kuboga öň 2015, 2016, 2017, 2018, 2019-njy ýyllarda mynasyp bolupdylar.
