Angliýanyň Premýer ligasynyň 3-nji tapgyry «Braýtonyň» we «Mançester Ýunaýtediň» gyzgalaňly duşuşygy bilen başlandy. Duşuşykda ýer eýeleri hasaby açdylar, ýöne soňra iki gezek topy öz torlaryna goýberdiler. Duşuşyk 1:2 hasabynda tamamlanjaga meňzedi, ýöne «Braýton» 95-nji minutda hasaby deňledi.
Duşuşygyň esasy wagtyna goşulan wagtda «Braýtonyň» gol geçirmegini geň görüp oturasy iş ýok. Ýer eýeleriniň uran toplary bäş gezek derwezäniň sütünine degip yzyna gaýtdy, beýle ýagdaý bolsa APL-iň taryhynda hiç haçan bolmandy, has takygy «Optanyň» çuňlaşdyrylan hasabaty ýöredip başlany bäri (2003/2004 ýyllardaky möwsüm) munuň ýaly ýagdaý hasaba alynmandy.
Diňe Leandro Trossaryň bir özüniň uran topy derwezäniň sag, çep we üstki sütünlerine degdi. Onuň üstesine hem «Braýtonyň» sütünlere urmakdan başga hem örän köp amatly pursatlary boldy.
97-nji minutda duşuşygyň emini oýnuň tamamlanandygy barada jürlewügini çaldy. Ýöne şobada hem wideokömekçä (WAR) seretjekdigini äşgär etdi
Wideo arkaly gaýtadan görülende topuň jerime meýdançanyň içinde «Braýtonyň» oýunçysynyň eline degendigi mälim boldy. Ýer eýeleri nägilelik bildirip, jedele girişdiler, ýöne munuň peýdasy degmedi.
100-nji minutda Brunu Fernandeş on bir metrlik jerime urgusyndan topy derwezä geçirdi. Şeýlelikde, «MÝU» oýun tamamlanandan soň ýeňiş pökgüsini derwezä geçirdi!
www.championat.com
