Türkmenistanyň at gazanan tälimçisi, Türkmenistanyň dzýudo boýunça zenanlar ýygyndysynyň baş tälimçisi Omar Muhammetnazarowyň şägirtleri häzirki wagtda ýörite maksatnama boýunça türgenleşýärler. Bu barada «Нейтральный Туркменистан» gazetinde habar berilýär.
Omar Muhammetnazarowyň esasy toparyna dürli derejeli milli we halkara ýaryşlaryň ýeňijileri we baýrakly orunlarynyň eýeleri girýär. Şonuň üçin olaryň aglabasy halkara derejeli sport ussasy diýen belent ady göterýärler.
2020-nji ýylyň maý aýynda 20 töweregi türgenden ybarat bolan topar Gökderede okuw-türgenleşik işlerini geçirdiler.
