Azerbaýjanyň CBC Sport teleýaýlymyna beren interwýusynda Türkiýäniň iň meşhur klublarynyň biri bolan «Galatasaraýyň» prezidenti Mustafa Jengiz gejekde klubyň skautlarynyň oýunçy gözlemek üçin Türkmenistana hem gelip biljekdigini aýtdy. Bu barada «Fotomaç»-yň habarynda aýdylýar.
Söhbetdeşlikde Mustafa Jengizden «Azerbaýjandan oýunçy transfer etmegi meýilleşdirýärsiňizmi?» diýip soraldy.
Mustafa Jengiz bu sowala: «Biziň öz gözbaşlarymyza dolanyp barmagymyz gerek. Skautlarymyzyň Azerbaýjan, Gazagystan, Türkmenistan ýaly döwletlere baryp, zehinli oýunçylaryň oýnuna tomaşa etmegi we olary tapyp bize teklip bermegi gerek. Geljekde bu babatda hem işleri amala aşyryp bileris» diýip, jogap berdi.
Häzir «Altyn asyrda» çykyş edýän goragçy Zafar Babajanow Türkiýede futbol oýnan iň soňky türkmenistanly futbolçydyr. Ol 2013-nji ýylda «Kartalspor» toparynyň düzüminde çykyş edipdi. Zafar Babajanow I liga wekilçilik edýän toparda 7 duşuşyk geçirdi.
