Türkmenistanyň Sport we ýaşlar syýasaty ministrliginiň «Türkmenistan Sport» halkara žurnalynyň «7/24.tm» atly hepdelik elektron goşundysynyň nobatdaky 15-nji sany okyjylara gowuşdy.
Hepdelik elektron goşundysynyň täze sany hormatly Prezidentimiziň gatnaşmagynda 2020-nji ýylyň 1-nji sentýabrynda şaýat bolan taryhy wakamyz bilen açylýar. Çünki şol gün, hormatly Prezidentimiziň gatnaşmagynda Türkmenistanyň Sport we ýaşlar syýasaty ministrliginiň edara binasy hem-de TDBSI-niň sportuň olimpiýa görnüşleri fakultetiniň binalar toplumynyň açylyş dabarasy boldy.
Halypa žurnalist Gurbangeldi Mämmetsähedowyň «Ýatlamalardaky ýylgyrýan keşpler» atly makalasy, Begenç Annaýewiň «Gwardiýolanyň şägirdi» ady bilen ýazan teswiri, «Aşgabat» futbol toparynyň oýunçysy Nazar Towakelow bilen taýýarlanan söhbetdeşlik okyjylary gyzyklandyrar diýip pikir edýäris.
Bütindünýä küşt Olimpiadasy şu ýyl ilkinji gezek internet arkaly geçirildi. Bu iri möçberli ýaryşda türkmenistanly küştçilerem çykyş etdiler. Türkmenistanyň Sport we ýaşlar syýasaty ministrliginiň «Türkmenistan Sport» halkara žurnalynyň
«7/24.tm» atly hepdelik elektron goşundysynda Bütindünýä küşt Olimpiadasynyň jemleri hakynda-da gürrüň berilýär. Hepdelik elektron goşundysynyň nobatdaky 15-nji sanynda ýaşlaryň döredijiliginden söhbet açýan materiallaryňam birnäçesi ýerleşdirilipdir.
www.msy.gov.tm
