2020-nji ýylyň 1-nji sentýabrynda, ýagny Bilimler we talyp ýaşlar gününde hormatly Prezidentimiziň gatnaşmagynda Sport we ýaşlar syýasaty ministrliginiň edara binasy hem-de Türkmen döwlet bedenterbiýe we sport institutynyň sportuň olimpiýa görnüşleri fakultetiniň binalar toplumynyň açylyş dabarasy boldy.

Irden ýurdumyzyň ýokary sport mekdebiniň täze binasynyň öňüne Mejlisiň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň we pudaklaýyn dolandyryş edaralarynyň, jemgyýetçilik guramalarynyň hem-de köpçülikleýin habar beriş serişdeleriniň ýolbaşçylary, Aşgabat şäheriniň häkimi, ýokary okuw mekdepleriniň rektorlary, talyplar we türgenler ýygnandylar.

Milli Liderimiz Türkmen döwlet bedenterbiýe we sport institutynyň Türkmen döwlet bedenterbiýe we sport institutynyň sportuň olimpiýa görnüşleri fakultetiniň binalar toplumy bilen ýakyndan tanyşdy. Soňra hormatly Prezidentimiz Sport we ýaşlar syýasaty ministrliginiň täze edara binasyna ugrady we şol ýerde toý bagyny kesdi. Bu ýerde hem milli Liderimiz desganyň mümkinçilikleri bilen ýakyndan tanyşdy.

Döwlet Baştutanymyz ministrligiň binasyny gözden geçirmegi tamamlap, Hormatly myhmanlaryň kitabynda ýadygärlik ýazgy galdyrdy we ol ýerden ugrady.

Döwlet HEŞDEKOW,

Türkmen döwlet bedenterbiýe we sport institutynyň Sport žurnalistikasy hünäriniň talyby.