Golaýda «www.ranker.com» saýtynda geçirilen pikir soraşmasynda «Barselonanyň» ähli döwürlerdäki iň ökde oýunçysynyň adyny aýtmak teklip edildi.

Pikir soraşmada 1-nji orny Hristo Stoiçkow eýeledi. Bolgariýaly hüjümçi bu toparda 5 ýyl oýnap, 214 duşuşykda 107 goly tora saldy. Ol 1996-njy ýylda «Barselona» täzeden gaýdyp gelmek bilen ýene-de 41 oýunda 9 gezek tapawutlandy.

Kataloniýalylaryň häzirki kapitany Lionel Messi sanawda 2-nji orna düşdi. Argentinaly futbolçynyň hasabynda 634 gol bolup, ol «Barselona» bilen dürli ýaryşlaryň 33-sinde ýeňiji boldy. Ilkinji 3-ligiň soňky ornuny Ýohan Kroýf eýeledi.

Aziýanyň kubogy eýeleýjileriniň kubogynyň (1997/1998) ýarym finalynda «Köpetdag» (Türkmenistan) bilen «Al-Nasr» (Saud Arabystany) duşuşanda türkmen derwezeçisi Ýewgeniý Naboýçenko «Altyn pökginiň» (1994) eýesi Hristo Stoiçkowyň 11 metrlik urgusyny yzyna gaýtarypdy.

 www.msy.gov.tm