«Türkmenistan: Sport» teleýaýlymynda Türkmenistanyň Sport we ýaşlar syýasaty ministrligi bilen bilelikde taýýarlanylýan «Sport metbugatda» gepleşiginiň nobatdaky sany ýaýlyma goýberildi.

Gepleşigiň täze sanyna ozalkylar bilen deňeşdireniňde täze sahypalar we bölümler goşulypdyr. Şeýle-de, wakalary beýan etmekde döwrebap usullara ýüzlenilipdir.

«Türkmenistan Sport» halkara žurnalynyň baş redaktory Hojaberdi Apbaýew tarapyndan alnyp barýan «Sport metbugatda» gepleşigine goşulan täze sahypada «7/24.tm» hepdelik elektron goşundysynyň her bir täze sanyna syn berilýär. Bu sahypany «Türkmenistan Sport» halkara žurnalynyň habarçysy Aýbölek Ärnazarowa alyp barýar.

Gepleşigiň dowamynda hormatly Prezidentimiziň sporty ösdürmek babatda döredýän ajaýyp mümkinçilikleri, bilýardyň saglyga peýdasy, türkmen küştçileriniň onlaýn ýaryşlardaky çykyşlary, sportuň sambo görnüşiniň taryhy hem-de ýaýdan ok atmak sportunyň ähmiýeti hakynda gürrüň edildi.

www.msy.gov.tm