Bütindünýä welosiped güni mynasybetli Balkanabat şäheriniň Uzboý köçesiniň ugrynda Balkanabat şäherindäki ähli edara-kärhanalaryň ýolbaşçylarynyň, işgärleriniň, ýokary we ýörite orta hünär okuw mekdebiniň talyplarynyň gatnaşmagynda köpçülikleýin welosipedli ýöriş geçirildi.
Şeýle-de, Balkanabat şäherindäki Sport toplumynyň öňünden Gurbansoltan eje şaýolyndan ilkinjiler ýadygärlik toplumyna çenli 3500 metr aralykda köpçülikleýin welosipedli ýöriş guraldy.
Welosipedli ýörişiň ýolunyň ugrynda medeniýet we sungat işgärleriniň, ýokary we ýörite orta hünär okuw mekdebiniň talyplarynyň ýerine ýetirmeginde aýdym-sazly çykyşlar, sportuň dürli görnüşleri boýunça görkezme çykyşlar we köpçülikleýin maşklar ýerine ýetirildi.
Balkan welaýat häkimligi, Balkan welaýat sport we ýaşlar syýasaty Baş müdirligi, welaýatyň jemgyýetçilik guramalary bu dabaralaryň guramaçysy bolup çykyş etdiler.
www.msy.gov.tm
