Ýakynda Balkanabat şäheriniň 3-nji orta mekdebiniň okuwçylarynyň arasynda Ýeňiş güni mynasybetli wagyz-nesihat çäresi geçirildi.

Duşuşyk Türkmenistanyň Sport we ýaşlar syýasaty ministrliginiň «Türkmenistan» Ýaşlar bedenterbiýe-sport guramasynyň Balkan welaýat bölüminiň, Balkan welaýatynyň Sport we ýaşlar syýasaty Baş müdirliginiň we welaýat Baş bilim müdirliginiň jogapkärliginde guraldy.

Wagyz-nesihat çäresinde 1-nji saglyk öýüniň lukmanlary sportuň dürli görnüşleri bilen meşgullanmagyň, pyýada ýöremegiň we welosiped sürmegiň adam saglygyna ýetirýän peýdasy, şahsy arassaçylyk kadalaryny berjaý etmegiň düzgünleri hakynda gürrüň berdiler.

Muhammet EDILOW,

«Türkmenistan» Ýaşlar bedenterbiýe-sport guramasynyň başlygynyň Balkan welaýat bölümi boýunça orunbasary.