Türkmenistanyň futbol çempionatynyň 6-njy tapgyrynyň jemleýji duşuşygynda «Ahal» topary öz meýdançasynda Marynyň «Energetiginden» 2:0 hasabynda üstün çykdy.

Hojaahmet Arazowyň tälim berýänleri gazanan bu ýeňişlerinden soň toplan 15 utugy bilen ýaryş tablisasynda birinji orna dolanmagy başardylar.

2-nji we 3-nji orunlary degişlilikde «Altyn asyr» (12 utuk) hem-de «Aşgabat» (10 utuk) toparlary eýeleýärler.

Altymyrat Annadurdyýew («Altyn Asyr») bilen Elman Tagaýew («Ahal») iň köp tapawutlanan oýunçylaryň sanawynda öňdäki iki orny eýeleýär. Olaryň hersi 6 sapar tapawutlandy.

Ýurdumyzyň futbol çempionatynyň 7-nji tapgyrynyň duşuşyklaryna 8-nji maýda «Köpetdag» – «Merw» toparlarynyň arasyndaky duşuşyk bilen badalga berler. 9-njy maýda bolsa «Nebitçi» – «Altyn asyr», «Energetik» – «Şagadam» hem-de «Aşgabat» – «Ahal» toparlarynyň arasyndaky duşuşyklar bilen dowam eder.

www.tff.com.tm