Ýakynda Magtymguly etrabynyň daşary ýurt dillerini çuňlaşdyryp öwredilýän ýöriteleşdirilen 19-njy orta mekdebiniň mejlisler zalynda wagyz-nesihat çäresi geçirildi. Dabara Magtymguly etrap sport we ýaşlar syýasaty bölümi we TMÝG-nyň Magtymguly etrap geňeşi tarapyndan guraldy.
Maslahatda çykyş edenler Gahryman Arkagymyzyň üstünlikli alyp barýan sport we ýaşlar syýasaty esasynda türkmen sportynyň ýeten belent sepgitleri dogrusynda, ýaşlaryň arassaçylyk düzgünleri berjaý edip, kadaly iýmitlenip, zyýanly endiklerden daşda durmalydygyny okuw türgenleşigini we dynç alyşy sazlaşykly utgaşdyryp sportuň dürli görnüşleri bilen meşgullanmagyň adam saglygyna ýetirýän peýdasy barada giňişleýin gürrüň berdiler.
Maslahatyň ahyrynda çykyş edenler türkmen sportunyň hak howandary hormatly Prezidentimiziň janynyň sag, başynyň dik, il-ýurt bähbitli tutýan tutumly işleriniň elmydama rowaçlyklara beslenmegini arzuw etdiler.
www.msy.gov.tm
