2020-nji ýylyň 26-njy aprelinde Türkmen bedewiniň milli baýramy mynasybetli Lebap welaýatynda edara-kärhanalaryň, jemgyýetçilik guramalaryň wekilleriniň, ýokary we orta hünär okuw mekdepleriniň talyplarynyň gatnaşmagynda Farap-Türkmenabat awtomobil köprisinden Türkmenabat köpugurly sport toplumyna çenli aralyga (20 kilometr) köpçülikleýin welosipedli ýöriş we estafeta ýaryşy geçirildi.

Estafeta ýaryşynyň netijesi boýunça 1-nji orny S.Seýdi adyndaky TDMI-niň talyplar topary, 2-nji orny – Türkmenabat şäherindäki Derýaçylyk orta hünär okuw mekdebiniň talyplary, 3-nji orny Türkmenabat Agrosenagat orta hünär okuw mekdebiniň talyplary eýeledi.

Türkmenabat köpugurly sport toplumynda baýramçylyk mynasybetli sportuň görnüşleri boýunça görkezme çykyşlar geçirildi we türgenler woleýbol, stoluň üstünde oýnalýan tennis, küşt, şaşka boýunça özara güýç synanyşdylar.

Şeýe-de, Lebap welaýatynyň sport mekdeplerinde we sport desgalarynda sportuň görnüşleri boýunça bäsleşikler geçirildi.

www.msy.gov.tm