Nowruz baýramy mynasybetli 2004-2005-nji ýylda doglan ýetginjekleriň arasynda dzýudo boýunça «Olimp» orta sport mekdebiniň açyk birinjiligi geçirildi.

Ýaryşa Ýaş olimpiýaçylary taýýarlaýyş sport mekdebi, «Olimp» orta sport mekdebi, Ahal welaýatynyň ýaş olimpiýaçylary taýýarlaýan sport mekdep-internaty, Aşgabat şäheriniň 1-2-3-4-nji sport mekdepleriniň toparlary gatnaşdy.

166 türgeniň işjeň gatnaşan bu ýaryşynda B. Babamyradow (38 kg.), O.Saryýew (42 kg.), M.Ramazanow (46 kg.), W.Orazow (50 kg.), I.Änewow (55 kg.), G.Amanow (60 kg.), B.Serdarow (66 kg.), Ý.Ýaranow (73 kg.), K.Annaorazow (+73 kg.) dagylar öz agramlarynda I orna mynasyp bolmagy başardylar

Şeýle-de ýaryşda toparlaýyn I orna «Olimp» orta sport mekdebi, II orna Ahal welaýatynyň ýaş olimpiýaçylary taýýarlaýan sport mekdep-internaty, III orna bolsa Aşgabat şäheriniň 4-nji sport mekdebi eýe bolmagy başardy.

Ýaryşda baýrakly orna mynasyp bolan türgenlere «Olimp» orta sport mekdebiň Hormat hatlary gowşuryldy.