Türkmenistanly futbolçy Artur Geworkýan bilen bilelikde 2011-nji ýylda AFK-nyň kubogyna mynasyp bolan futbolçy Lutfulla Turaýew häzirki wagtda Daşkendiň «Binýodkor» toparynda çykyş edýär. Bilşimiz ýaly, golaýda «Binýodkoryň» hataryna Selim Nurmyradow hem kabul edilipdi.

Lutfulla Turaýew «www.championat.asia» saýtyna beren interwýusynda «Bunýodkora» täze goşulan futbolçylar bilen bagly pikirlerini hem okyjylar bilen paýlaşypdyr. Ol söhbetdeşligiň dowamynda: «Türkmenistanly ligoner Selim Nurmyradow heniz ýaş futbolçy, biz onuň gelejegine uly ynam bildirýäris» diýip aýratyn belläp geçdi.

Selim Nurmyradow geçen möwsümi paýtagtymyzyň «Altyn asyr» toparynda geçirip, Türkmenistanyň çempiony bolmagy başarypdy. Ol Türkmenistan milli ýygyndysyna çagyrylmaga esasy dalaşgärleriň biri bolup, häzirki wagtda täze topary «Binýotkorda» Özbegistanyň milli ýygyndysynyň baş tälimçisi Wadim Abramowyň ýolbaşçylygynda täze möwsüme taýýarlanýar.

Merdan BAÝAT,

sport synçysy.