Ýakynda (16-18.02.2020) ok atyşyk boýunça Türkmenistanyň Ýokary sport ussatlygy mekdebiniň açyk birinjiligi tamamlandy. Ýaryş ýaraglaryň WP 4 görnüşi boýunça erkekleriň we zenanlaryň, WP 2, WP 1, PP 2 görnüşleri boýunça ýetginjekleriň arasynda geçirildi.

Mergenleri saýlamak maksady bilen guralan bu bäsleşigiň netijesinde ýaragyň WP 4 görnüşi boýunça erkekleriň arasynda Ruben Sarkisýan 393 utuk toplap I orna, Hydyr Merdanow 385 utuk toplap II orna, Medet Ataýew 382 utuk toplap III orna, zenanlaryň arasynda bolsa Ýeketerina Arabowa 388 utuk toplap I orna mynasyp bolmagy başardylar.

Ýaragyň WP 2 görnüşi boýunça ýetginjek oglanlaryň arasynda Yhlas Goçow we Timur Arslanow 199 utuk toplap I orna, Mekan Berdiýew 193 utuk toplap II orna, Begenç Ataýew 192 utuk toplap III orna, ýetginjek gyzlaryň arasynda Gülgunça Aşyrowa 195 utuk toplap I orna, Jemal Mommadowa 193 utuk toplap II orna, Aýbölek Geldiýewa 191 utuk toplap III orna eýe boldular.

Ýetginjek oglanlar ýaragyň WP 1 görnüşi boýunça bäsleşip, Kerim Gaýypow  100 utuk toplap I orna, Aýmuhammet Merdanow 97 utuk toplap II orna, Muhammet Aýdogdyýew 95 utuk toplap III orna mynasyp boldular.

Şeýle-de, PP 2 görnüşi boýunça geçirilen bäsleşikde ýetginjek oglanlaryň arasynda Alimuhammet Aýdogdyýew 167 utuk toplap I orna, Arslan Penjiýew 166 utuk toplap II orna, Miras Mämmetnazarow 135 utuk toplap III orna, ýetginjek gyzlaryň arasynda Polina Wertýankina 171 utuk toplap I orna, Ýüzgül Öwezowa 167 utuk toplap II orna we Wiktoriýa Sergeýewa 160 utuk toplap III orna eýe bolup, ýeňşini baýram etdiler.

Ýaryşda baýrakly orna mynasyp bolan türgenlere Türkmenistanyň Demokratik Partiýasynyň Aşgabat şäher komiteti tarapyndan baýraklar gowşuryldy.

Allamyrat GOÇOW,

Türkmenistanyň Ýokary sport ussatlygy mekdebiniň direktorynyň orunbasary.