Suwda pökgi oýnamak boýunça Aşgabat şäheriniň birinjiliginiň geçiriljekligi barada Aşgabat şäheriniň sport we ýaşlar syýasaty Baş müdirligi habar berýär. Bu ýaryş fewral aýynyň 22-sine çenli dowam eder.
Ýurdumyzda suwda pökgi oýnamak boýunça ýaş türgenleri ýetişdirmek maksady bilen geçirilýän bu ýaryş Aşgabat şäherinde Türkmenbaşynyň Olimpiýa suw sport toplumynyň suwa bökülýän howuzynda guralar. Birinjilik baýrakly orunlary eýelemegi başaran türgenlere sowgat gowşuryş dabarasy bilen tamamlanar.
***
2020-nji ýylyň 28-29-njy fewralynda suwda ýüzmek boýunça Aşgabat şäheriniň birinjiligi geçiriler. Oňa 2002-2003-nji, 2005-2006-njy ýyllarda doglan türgenler gatnaşar.
Ýaryş Türkmenbaşynyň «Olimpiýa» Suw sport toplumynyň 50 metrlik howuzynda geçiriler. Çempionatda görkezen netijesi boýunça baýrakly orna mynasyp bolan türgenlere Aşgabat şäheriniň sport we ýaşlar syýasaty Baş müdirliginiň Hormat hatlary gowşurlar.
