Iňlis-amerikan şaşka boýunça Balkan welaýatynyň birinjiliginiň tamamlananlygy barada Balkan welaýatynyň sport we ýaşlar syýasaty Baş müdirligi habar berýär.
Balkan welaýatynyň ýöriteleşdirilen şaşka sport mekdebinde geçirilen bu ýaryş oglan-gyzlaryň arasynda guraldy. Balkan welaýatynyň sport we ýaşlar syýasaty Baş müdirliginiň, Türkmenistanyň Milli şaşka merkeziniň we Balkan welaýatnyň ýöriteleşdirilen şaşka sport mekdebiniň guramagynda geçirilen bu bäsleşik bütindünyä şaşka Federasiýasynyň düzgünlerine laýyklykda guraldy.
Aýlaw usulynda geçirilen ýarşyň netijesi boýunça oglanlaryň arasynda U.Hydyrow I orna, S.Hajyýew II orna, B.Goçmaýew bolsa III orna mynasyp bolmagy başardy.
Zenanlaryň arasynda geçirilen bäsleşigiň jemi boýunça A.Amanmyradowa I orna, G.Gurbansahatowa II orna, A.Işangulyýewa bolsa III orna eýe bolup ýeňşini baýram etdiler.
Ýaryşda baýrakly orunlary eýelän şaşkaçylara guramaçylar tarapyndan Hormat hatlar we sowgatlar gowşuryldy.
