2020-nji ýylyň 17-nji fewralynda küşt boýunça Aşgabat şäheriniň birinjiligi başlandy. Bäsleşikler 26-njy fewrala çenli dowam eder.
Birinjiligini almak ugryndaky ýaryş Aşgabat şäheriniň Ýöriteleşdirlen küşt we şaşka mekdebinde geçirilýär. 10-14-18 ýaşly türgenleriň arasynda dowam edýän bu bäsleşige II derejeli we ýokary derejeli oýunçylar gatnaşýar.
Ýaryş şweýsar usulynda jemi 9 tapgyrda geçer. Her bir oýunça 1 sagat 30 minut we her göçümine goşmaça 30 sekunt wagt beriler. Ýaryşda iň köp utuk toplan oýunçyny ýaryşyň ýeňijisi diýlip yglan ediler.
Ýaryş Aşgabat şäheriniň sport we ýaşlar syýasaty Baş müdirliginiň ýeňijileri sylaglaýyş dabarasy bilen tamamlanar.
