«Türkmenistan – Bitaraplygyň mekany» şygary bilen Türkmenistanyň sport we ýaşlar syýasaty ministrliginiň «Olimp» orta sport mekdebinde dzýudo boýunça «Olimp» orta sport mekdebiniň açyk birinjiligi geçirilýär. Bu barada «Olimp» orta sport mekdebiniň Sport bölümi habar berýär.
2020-nji ýylyň 8-nji fewralynda badalga beriljek bu ýaryşda 2003, 2004 we 2005-nji ýyllarda doglan ýetginjek türgenler özara bäsleşerler.
«Olimp» orta sport mekdebiniň açyk birinjiligine Ahal, Balkan, Lebap welaýatlarynyň hem-de Aşgabat şäheriniň sport we ýaşlar syýasaty Baş müdirlikleriniň sport mekdepleriniň türgenleri, şeýle-de Türkmenistanyň sport we ýaşlar syýasaty ministrliginiň ýaş olimpiýaçylary taýýarlaýyş sport mekdep internatynyň, Türkmenistanyň sport we ýaşlar syýasaty ministrliginiň «Olimp» orta sport mekdebiniň dzýudoçylary gatnaşarlar.
Ýaryşda ýeňiji bolan türgenler «Olimp» orta sport mekdebiniň hormat hatlary hem-de Bagtyýarlyk etrabynyň Magtymguly adyndaky ýaşlar guramasynyň sowgatlary bilen sylaglanarlar.
www.msy.gov.tm
