Häzirki wagtda Türkmenistanyň milli futzal ýygyndysy Aziýa çempionatyna taýýarlyk görýär. Olaryň Olimpiýa şäherçesinde okuw-türgenleşik işlerini alyp barýan ýerinde sport žurnalistleri bolup, oýunçylar bilen pikir alyşdylar. Habarçymyz Aşyr Saparowa Türkmenistanyň milli futzal ýygyndysynyň goragçysy Gurbangeldi Sähedow şeýle gürrüň berdi.
—Milli ýygyndymyz ýetip gelýän Aziýa çempionatyna güýçli depginde taýýarlyk görýär. Ýygyndymyzyň toparçada 1-nji orny eýeläp biljekdigine ynamymyz uly.
Nesip bolsa çempionatyň öň ýanynda Birleşen Arap Emirliklerine okuw türgenleşik işlerini geçirmäge gidýäris. Ondan soňra Taýland döwletine ýoldaşlyk duşuşygyny geçirmäge barýarys.
Umuman alanyňda, biziň üstünlikli çykyş etmegimiz üçin ähli şertler döredilen. Bize bu mümkinçilikleri peýdalanyp, janköýerleriň ynamyny ödäýmek galýar.
www.msy.gov.tm
