Türkmenistanyň Sport we ýaşlar syýasaty ministrliginiň, Türkmenistanyň Bilim ministrliginiň we Aşgabat şäheriniň Büzmeýin etrap häkimliginiň garamagynda küşt, şaşka, düzzüm boýunça merkezara ýaryş geçirildi.
Gökderede ýerleşýän «Şöhle» çagalar dynç alyş we sagaldyş merkezinde «Saglygym-baş baýlygym» diýen at bilen geçirilen küşt boýunça merkezara ýaryşynda 2004-2009-njy ýyllarda doglan çagalar bäsleşdiler.
Bäsleşigiň jemi jemlenende I orna M.Nyýazow adyndaky çagalar dynç alyş we sagaldyş merkezi, II orna «Beýik Serdaryň ruhubelent nesilleri» çagalar dynç alyş we sagaldyş merkezi, III orna «Nebitçi» çagalar dynç alyş we sagaldyş merkezi mynasyp boldy.
Şaşka boýunça guralan merkezara ýaryşda 2004-2008-nji ýyllarda doglan çagalaryň arasynda I orny «Bagtyýar nesiller», II orny «Ýaşlyk», III orny «Şöhle» çagalar dynç alyş we sagaldyş merkezleri eýelemegi başardy.
2004-2009-njy ýyllarda doglan çagalaryň arasynda geçirilen düzzüm boýunça merkezara ýaryşda I orny «Şöhle», II orny «Beýik Serdaryň ruhubelent nesilleri», III orny bolsa «Altyn sümmül» çagalar dynç alyş we sagaldyş merkezleri eýelediler.
www.msy.gov.tm
