Türkmenistanyň «Arkadag» futbol kluby Aziýa Futbol Konfederasiýasynyň (AFK) Çagyryş ligasynyň toparçalaýyn tapgyryndaky birinji oýnunda Maldiwleriň «Maziýa Sports» klubyna garşy oýnamak bilen, ýeňiş gazanmagy başardy.

Kuweýtiň «Kuwait Sports Club» stadionynda geçirilen oýun «Arkadag» toparynyň" peýdasyna 2:1 hasabynda tamamlandy.

Birinji ýarymda «Maziýa» duşuşygyň 45-nji minutynda Jonatan Kantillananyň takyk urgusy bilen oýny öz peýdasyna öwürdi. Emma oýnuň ikinji ýarymynda «Arkadag» kluby oýnuň gidişini özgertmegi başardy: 66-nji minutda Didar Durdyýew hasaby deňledi, 76-njy minutda bolsa Altymyrat Annadurdyýew ýeňiş goluny geçirdi.

Wladimir Baýramowyň toparynda indiki oýun Gyrgyzystanyň «Abdyş-Ata» klubyna garşy geçiriler, şol bir wagtda «Maziýa» topary «Al-Arabi» kluby bilen duşuşar.

AFK-nyň Çagyryş ligasy – Aziýada toparlaryň arasynda geçirilýän ähmiýeti boýunça üçünji ýaryş bolup. Ol futbolda zehinlerini görkezmek maksady bilen höwesjeň toparlar üçin döredildi.