«Türkmenistan Sport» halkara žurnalynyň «7/24.tm» ady bilen taýýarlanylýan hepdelik elektron goşundysynyň 2024-nji  ýyldaky 29-njy (216) sany şu gün (15.07.2024) okyjylara ýetirildi. Hepdelik elektron goşundynyň täze sanynda sport muşdaklarynyň ünsüni çekjek esasy wakalara mynasyp orun berlipdir.

Ýewropada we Amerikada geçirilen futbol boýunça yklym çempionatynyň ýeňijileri we finalçylary belli edildi. Awtosportuň muşdaklary bolsa türkmenistanly sürüjileriň «Ýüpek ýoly» rallisindäki şowly çykyşlaryna şaýat bolýarlar.

Parižde geçiriljek tomusky Olimpiada gatnaşýan türkmen türgenleri taýýarlygyň jemleýji tapgyryna gadam goýdular. Olar planetanyň sport baýramynda mynasyp çykyş etmek üçin tagalla edýärler. Şeýle-de, çagalaryň tomusky dynç alyş döwründe gatnaşýan sport ýaryşlary, tomsuň jowzaly günlerinde Günden goranmak boýunça maslahatlar, bedenterbiýe we sport ulgamyndaky täzelikler okyjylara hödürlenilýär.

 «Türkmenistan Sport» halkara žurnalynyň hepdelik elektron goşundysynyň 3 dilde (türkmen, iňlis we rus) taýýarlanylýandygyny, ilkinji sanynyň bolsa 2020-nji ýylyň 1-nji iýunynda okyjylara gowşandygyny ýatladýarys.

 Şu ýerden doly görnüşini göçürip alyp bilersiňiz