Aşgabat köpugurly stadionynyň meýdançalarynda tennis boýunça Türkmenistanyň birinjiligi başlandy.
Türkmenistanyň Bedenterbiýe we sport baradaky döwlet komitetiniň Türkmenistanyň tennis federasiýasy bilen bilelikde guran ýaryşyna Aşgabat şäherinden we ýurdumyzyň dürli künjeklerinden 150 töweregi ýaş oglan we gyz türgenler gatnaşýar.
Ýeňijiler we baýrak eýeleri 14 we 18 ýaş aýratynlyklary boýunça kesgitleniler.
Tennis boýunça Türkmenistanyň birinjiligi her ýyl geçirilýän jogapkärli ýaryşlaryň biridir. 6-njy maýda tamamlanjak bu bäsleşigiň netijesinde 14 hem 18 ýaş aýratynlygy boýunça ýurdumyzyň ýetginjekler we ýaşlar ýygyndy toparlarynyň düzümi kesgitleniler.
«Türkmen sporty» gazeti.
