Türkmenistanyň «Galkan» toparynyň hokkeýçileri ýurdumyzda badalga beriljek halkara ýaryşyň öňüsyrasyndaky jemleýji türgenleşiklerini geçdiler. Taýýarlyk işleri Gyşky oýunlar sport toplumynda guraldy.
15 — 20-nji aprel aralygynda Aşgabatda ýaýbaňlandyryljak ýaryşa 10 ýurduň hokkeý klublary gatnaşar.
Eýýäm ertir 14:00-da biziň hokkeýçilerimiz halkara ýaryşyň çägindäki ilkinji duşuşyklaryny geçirerler. Olar Bahreýniň «Bahreýn» atly toparynyň garşysyna çykarlar.
Türkmenistanyň Içeri işler ministrliginiň «Galkan» sport klubunyň topary öňde boljak ýaryşyň öňüsyrasynda doly derejedäki taýýarlygy gazanmak maksady bilen, öz buzly meýdançasynda ykjam türgenleşik işlerini geçdi. Yhlasly türgenleşýän hokkeýçiler her gün iki wagtyna türgenleşdiler.
